Welina Mānoa

Ka ʻIke Laulā

I kēia mea hōʻikeʻike, e waiho ʻia ana nā ʻike o kahi ʻo Ka ʻĀina Hoʻoulu Lāʻau o Lāiana, a e hōʻike mai ana i ka hopena o ka huakaʻi i ia wahi. Aia kēia wahi ma uka o ka awāwa uluwehi o Mānoa.

ʻO ka māla kula nui o kālailau nahele wale nō ʻo Ka ʻĀina Hoʻoulu Lāʻau o Lāiana i loko o ka nahele maʻukele i ʻAmelika Hui Pū ʻia. ʻO ia hoʻi wale ka nahele maʻukele e kipa hikiwale aku ai kākou ma ka mokupuni o Oʻahu. Aia ʻelua haneli ʻeka ma luna o ka ʻāina kumu wai ʻo Mānoa. Hoʻohana ʻia kēia ʻāina no ke aʻo ʻana e ka poʻe mai Ke Kula Nui o Hawaiʻi.

I kēia wā, hoʻohana a ʻimi noiʻi ʻia ia wahi e nā kānaka akeakamai i kēia mau kula: ka huli kanaka ʻoe, ka ʻike noʻeau e pili ana no nā mea ola ʻoe, ka ʻike noʻeau i nā lāʻau likeʻole ʻoe, ka ʻike e pili ana i ke kuke ʻana ʻoe, ka wilikī ʻoe, ka hōʻike honua ʻoe, ka ʻike Hawaiʻi ʻoe, ka hoʻoulu mea kanu ʻoe, a me ka ʻike noʻeau i ke ʻano o nā holoholona. Nunui nā poʻe, ma kahi o kanakolukūmāhā kaukani, e kipa mai i kēia wahi i kēlā me kēia makahiki.

No Ka ʻĀina Hoʻoulu Lāʻau o Lāiana, kālele ʻia nā mea kanu kopikala, nā mea kanu Hawaiʻi, ka ʻike noʻeau e pili ana no nā mea ola maluō, a me ka ʻike noʻeau i nā lāʻau Hawaiʻi.