I kēia ʻaoʻao, e wehewehe iki ʻia ana nā hana no nā keiki ma Ka Hale Hōʻikeʻike ʻO Mānoa Heritage.
Ua hoʻolohe nā kamaliʻi i nā moʻolelo he nui e pili ana i Ka Hale Hōʻikeʻike ʻO Mānoa Heritage a me ka Awāwa o Mānoa. I kēia kiʻi, ua nānā aku ʻelua mau keiki i kekahi kiʻi pena, ʻo kēia kiʻi pena ke awāwa o Mānoa i ka wā kahiko.
Ua hele a kaʻapuni mākou i ka Heiau ʻo Kūkaʻōʻō a me ka māla o nā mea kanu Hawaiʻi. I ka wā kahiko, kū ke kanaka i huli i uka, a e ʻike ʻia ana nā kualono o Mānoa; a laila, huli i kai, a ʻike i nā kahakai o Waikīkī. I ka manawa o mākou i kū ai, ua ʻike mākou i nā mea o ko kākou mau kūpuna i ʻike ai i ka wā ma mua.
Eia ke kekahi i hōʻike i kekahi o nā hana ma Ka Hale Hōʻikeʻike ʻO Mānoa Heritage. Ua hoʻomākaukau a hana nā kamaliʻi i nā ʻōʻō me ka laulima.
A laila, ua aʻo maila nā keiki e pili ana i ka mea kanu ʻo ʻuala, a ua kōhi ʻia nā ʻuala no ka lawe ʻana aku i ko lākou mau hale. Ua lawe nā mākua i nā lālā kanu o lākou e kanu ana i ka hale. Ua hoʻohana ʻia nā ʻōʻō a nā keiki i hana ai, a ua ʻōlaʻolaʻo iho i nā hua ʻuala. I ka māla, ua ʻōlelo Hawaiʻi nā kamaliʻi a me nā mākua i kekahi. E ola mau nō ka ʻōlelo Hawaiʻi.
